Der G’schaftlhuber

Dahi geht’s mit dir im Neien Johr. Jupiter huift dir und du kriagst mit dei’m Herrscherplaneten glei a bissal an Größenwahn. Schnell muaß ois geh, dann passt nimma g’scheit auf und stoiperst. Do derfst di scho an bissal mehra z’ammreißn.

Freiheit is dir wichtig im Januar, hoff’ma, daß die Schatz des genau so siagt.

Nur ned hudl’n. Bis recht ungeduidig und schnell nervös. Des nervt dei Umfeld oft ganz schee. Schoitst öfter mal an Gang oba, dann is‘ für alle leichter.

Mit de Finanzen konn’s a G’schiß geb’n im April, do passt bessa auf. Rosarot werd dei Sommer, aa wenn ned olles ganz nach Wunsch laft.

Mit Geduid kimmst in Herbst eini, wo’s dann g’schäflich guad laft. Jetzt konnst wieda planen und nach und nach geht’s bergauf.

©Andrea Angermeier