Die Gemiatliche

Wuid geht’s zua im Neien Jahr. Uranus bringt dir wieder ois durchanand. Lass di ned ärgern und fahr di oba, weil’s eh nix huift. Hin und her renna wia a blinde Hehn macht di nur damisch. Im Mai b‘suacht di dann da Jupiter, do derfst di richtig g’frein. Auf oamoi geht’s wia gschmiert. Wennst heiratn megst, dann konnst des am besten im Juni macha. Dann bleibt’s länga beinand.

Mogst das scho gern richtig guad geh loss’n in dem Johr. Obandln dadst aa oiwei gern. Schaust hoid, dass‘d dein Dickschädl a wenig zruckhoidst, sonst san de andern glei wieda furt. Langweilige Leid konnst heier gar ned dapacka. Jeden Dog de gleiche Supp’n schmeckt dir hoid in dem Johr ned.

Mit’m Ess’n derfst aa a wengerl aufpassn, wennst dir koa Wammerl zualeg‘n mogst. Und auf dein Geldbeidl passt aa besser auf. Dad dir schon ganz schee vui deiers Zeig gfoin, b‘sonders im Mai und im August.

©Andrea Angermeier