Der Narrische

Im Januar machst gleich nu des oide Graffl vom letztn Johr fertig, damit aa Rua werd.

Singles konns’t jetzt nimmer bremsen. Fast kimmst dir vor wia „ois was ned bei Drei auf’m Baam is“… Herrschaftzeiten, des geht bis zum April.

Bei aller Originalität, aa andere Leid ha’m guade Ideen. Do derfst ned eigensinnig wer’n.

Im Juli schaugst, dass’d ned glei oiwei de beleidigte Leberwurscht spuist, wenn  anderer amoi an Spaß macht auf deine Kost’n. Wenn‘st wos versprichst, dann überlegst vorher, ob’s des aa hoit‘n konnst oder mogst.

Gehst dann a bisserl oba vom Gas und konzentrierst di im September auf dei G’spusi, des wer’d dir dann scho g’langa. Im November machst dir einfach aa guade Zeit und überlegst dir was Scheens für dein Schatz.